Dai Papà che ti ghe la fa
Fora fa fredo,
te meto la me sciarpa al colo,
el capelo;
el magion te lo meto sora

L’ascensor ariva,
el specio xe defronte a ti,
ti lo vardi,
anca mi lo vardo

I nostri oci se incontra.
Si Papà so qua,
no te lasso solo

I to oci se gà serà.
Papà ti xe drio sognar?
Mi so drio sognar
A oci verti, vedo
Na gran nave navegar
In meso a un mar calmo

Chi la guida ti xe ti Papà

Sigo: Papà, fermite!
Ti me rispondi: no sta preocuparte,
so dove sta nave me vol portar

di Alberta Foccardi

Per maggiori informazioni sull’autrice cliccare qui:
https://lineaventi20.wordpress.com/2016/03/16/humans-of-venice-16/